Застрашувачка закана од Путин до Украина: „Ќе зажалат“
Русија бележи брз напредок во источна Украина во последниве месеци, настојувајќи да заземе што е можно повеќе територија пред новоизбраниот американски претседател Доналд Трамп да ја преземе функцијата во јануари.
Републиканецот вети дека брзо ќе стави крај на овој конфликт кој трае речиси три години, без всушност никогаш да објасни како има намера да го направи тоа.
Рускиот претседател Владимир Путин во неделата вети поголемо „уништување“ на Украина по саботниот напад со дрон врз зградите во Казан, за што Москва го обвинува Киев.
„Секој што ќе се обиде да уништи нешто во нашата земја, без разлика колку е мало, ќе се соочи со многу повеќе уништување во сопствената земја и ќе зажали што се обидел да и направи на нашата земја“, рече тој за време на официјалната церемонија, коментирајќи го нападот во саботата во Казан, на околу 1000 километри од украинската граница.
Според локалните власти, погодени се станбени згради, но нема жртви. Украина не го коментираше овој напад, ниту пак руските обвинувања. Киев редовно извршува напади во Русија, често насочени кон нафта или индустриски капацитети, како одговор на руските воздушни напади и нападот што го започна Кремљ против Украина пред речиси три години.
Последниве недели Владимир Путин постојано се закануваше дека ќе го погоди центарот на Киев со новата и моќна ракета „Орешник“, која првпат беше употребена во ноември.
Поради речиси континуираните воздушни напади на руската армија, Украина се соочува со редовни прекини на струја среде зима. Руската армија моментално забрзано напредува, особено во источниот регион на Доњецк, кој е во фокусот на борбите.
ПОВРЗАНИ ВЕСТИ
Вандали запалиле контејнери со ѓубре во Ново…
Скопје нема да биде заложник на вандали,…
Здруженијата на лица со дијабетес бараат сензори…
На одбележувањето на Светскиот ден на дијабетесот…
ШОКАНТНО ВИДЕО: ИВА МИХАИЛОВА ТВРДИ ДЕКА Е…
Шокантно видео објави на Јутјуб бугарскиот новинар…
САД разгледуваат намалување на военото присуство во…
Намалувањето на американското воено присуство во Европа…
Митовски: Човек ми раскажа дека мајка му…
Градоначалникот на Крива Паланка, Сашко Митовски, во…