Трамп му порачал на Зеленски да размислува за отстпување на териториите кои се под контрола на Русија

Новоизбраниот американски претседател Доналд Трамп му порача на украинскиот лидер Володимир Зеленски да почне да размислува за прекин на огнот, како и за отстапување територии кои моментално се под руска контрола, пишува „Ел Паис“.

– Погледнете некои од овие градови, нема згради во добра состојба. Значи, кога велите „обновете ја земјата“, што изградете? Ова е 110-годишна реконструкција – рече Трамп во „порака“ до Зеленски од неговиот голф клуб во Флорида.

Трамп постојано ветуваше дека ќе стави крај на конфликтот во Украина во рок од еден ден по преземањето на функцијата, но допрва треба да елаборира како планира да го постигне тоа. Претходно овој месец тој ги повика Украина и Русија да постигнат итен прекин на огнот.

Рускиот претседател Владимир Путин, говорејќи во четвртокот, на 19 декември, на прес-конференција, повтори дека Москва останува отворена за преговори со Киев без никакви предуслови, освен оние кои се веќе договорени во Истанбул во 2022 година.

Ова значи неутрален, неврзан статус на Украина и одредени ограничувања за распоредување на странско оружје, истакнувајќи дека таквите разговори треба да ја почитуваат реалноста на теренот, која оттогаш се разви.

Share on Facebook

Tweet

Follow us

Save