Владата му префрли 120 милиони денари на ЈСП за да продолжи бесплатниот превоз за студентите

Премиерот Христијан Мицкоски денеска информираше дека продолжува мерката бесплатен превоз за студентите. На денешната прес-конференција, тој појасни дека Владата одлучила да му префрли 120 милиони денари на ЈСП Скопје за да може мерката да продолжи да се реализира и во 2025 година.

Според премиерот, претходната Влада три години не обезбедувала средства за оваа намена и немала донесена ваква одлука.

Пред десетина дена, универзитетското студентско собрание на Универзитетот „Св. Кирил и Методиј“ испрати апел до Владата, Град Скопје, Министерството на Град Скопје и ЈСП Скопје да се произнесат јавно дали се предвидени средства и дали јавниот градски превоз за студентите ќе биде бесплатен. Според Александар Николоски, претседател на студентското собрание, билетите не се продолжувале на билетарниците на ЈСП за 2025 година, а од друга страна, МОН вели дека се предвидени средства.

Николоски тогаш рече дека ќе чекаат одговор од институциите и доколку тоа не се случи, студентите ќе преземат соодветни мерки со кои ќе го искаже својот став дали е смешно студентите да немаат бесплатен превоз, доколку што таа веќе е обезбедена 10 години од страна на Владата.

Редовните студенти од 2016 година имаа можност бесплатно да се возат секој ден во сите градски и приградски линии. На нив им беа доделени картички од ЈСП кои важеа на годишно ниво, а секој декември ја продолжуваа за наредната година.

Share on Facebook

Tweet

Follow us

Save