Во големите пожари во Лос Анџелес изгоре и вилата на екс-напаѓачот на Арсенал

Поранешниот напаѓач на Арсенал, Карлос Вела е последниот во низата познати личности на кои им настрада куќата во големите пожари кои го погодија Лос Анџелес.

Сопругата на Вела откри дека нивната вила во Малибу од четири милиони евра која се простира на 5.121 квадратни метри изгорела во пожарите кои направија пустош во богатото предградие на Лос Анџелес, Палисадес.

Во поѓарите кои започнаа на 7 јануари настрадале најмалку десет луѓе, а уништени се илјадници домови, додека над 130.000 жители мораа да бидат евакуирани.

„Нашиот прекрасен дом во Малибу изгоре вчера. Се уште сме во шок од се што се случи. Многу е тажно и застрашувачки да гледаш как осе гори. На сите пораки за загрижност, одговорам дека сме на сигурно. Ви испраќам многу љубов на сите погодени и се надевам дека наскоро огнот ќе биде изгаснат“, објави сопругата на Вела, Саио Канибано на Инстаграм.

Вела во овој момент се уште е член на екипата на Лос Анџелес. Неговата вила располагала со спа, мултимедијална соба, три апартмани за гости, пет купатила, голема кујна, дневна соба, вински подрум, базен…

Share on Facebook

Tweet

Follow us

Save