(Видео) Јакимовски со жестока реакција на изјавата на Костадинов од „Преродба“ – Македонци берете памет!

Колку пати реков дека ова не е битка за европска Македонија, туку е битка за постевропска Македонија? Како што се распаднало Отоманското царство, Римската империја, Наполеоновото царство, СССР, така еден ден ќе се распадне и Европската Унија. Тогаш повторно ќе има прекројување на граници и во таа нова консталација на сили, геополитика и меѓународни односи, Македонија ќе ја припојат кон Бугарија.

А зошто?

Па затоа што сме прифатиле – признале дека имаме заедничка историја, заеднички корени, нашиот јазик е наречје на бугарскиот јазик. Дека сме измислена нација од 1944 година, и дека историските личности и настани се заеднички. И ова сум го зборувал повеќе пати во мои јавни настапи, а сега лидерот на „Преродба“ Костадин Костадинов изгледа јадел нога од кокошка па зборува малку повеќе од тоа што треба да се знае за тоа што ни мисли и што се’ подготвува официјалната бугарска политика. Кога го имав ова интервју на Канал 5 во емисијата „Само интервју“ на 27 ноември 2020 година во Македонија абер се немаше дека Бугарите ќе треба да влезат во Устав, а уште помалку пак тоа се сфаќаше сериозно. Денес, условот Бугарите да влезат во Устав е реалност!

Македонцииии, берете памет!

Ова е изјавата на лидерот на „Преродба“ Костадин Костадинов во објава на Фесјбук.

„Претензиите на Трамп кон Канада се целосно оправдани. Нема ништо пологично и понормално од две земји со заедничка историја, заедничко потекло, заеднички јазик и во голема мера, ист народ, како што се САД и Канада, да станат една земја. Истото важи и за претензиите на Трамп за Панамскиот канал. Впрочем, САД се првиот сопственик на земјиштето на каналот, тие го градеа и го поседуваа до 1979 година. Затоа „Преродба“ целосно ги поддржува тврдењата на новоизбраниот американски претседател. Иста е ситуацијата и со Македонија. Нема ништо пологично од тоа две земји со заедничка историја, заедничко потекло, заеднички јазик и народ да станат една земја. Сличен е случајот и со Јужна Бесарабија. Таа е дел од бугарската држава повеќе од 450 години, Бугарите се домородното население на оваа област (од 6 век) и до денес се мнозинство од населението. За споредба, Украина ја поседува Јужна Бесарабија само 34 години. Затоа нема ништо пологично од обединување на Бугарија и Македонија во една заедничка држава, како и враќање на Јужна Бесарабија назад во Бугарија. Украина се распаѓа и на идниот мировен конгрес кој ќе одлучува за судбината на неуспешната т.н. украинската државност, Бугарија треба да ги потврди своите претензии кон бугарска Бесарабија.“

Share on Facebook

Tweet

Follow us

Save