Меџити: Имаме забелешки за Даути, но ја поддржуваме кога има иницијатива од Левица

Последните интерпелации, можеби во историјата на Собранието, се најлошите или најнеизгласаните. Да поднесеш иницијатива за интерпелација и на крај да гласаат само тројца пратеници, значи дека имаме поддршка и од Европскиот фрон и од ДУИ. Многу луѓе таму мислат како нас и ги повикувам и имаат отворена врата да се приклучат кон ВЛЕН, рече денеска членот на владеачката коалиција, Изет Меџити запрашан за обидите за интерпелација на дел од министрите и замениците.

Меџити им се заблагодари јавно на пратениците.

-Ниту еден од пратениците на ВЛЕН не беше присутен при гласање на неговата интерпелација. Тоа е политичка одлука, додаде вицепремиерот и министер при посетата на општина Гостивар за иницијативата за интерпелација на министерот Иван Стоилковиќ.

Меџити информира дека пратеничката Илире Даути ќе остане претседателка на собраниската Комисија за млади и социјална политика. Вели дека имаат многу забелешки за нејзината работа, но, кога има иницијатива од Левица, „ние сме против и ќе ја поддржиме“.

Не поминаа четирите интерпелации за работата на владините функционери. Единствено, со 61 глас „за“, 22 против и без ниту еден „воздржан“ беше поддржана интерпелацијата за претседателката на Комисијата за социјална политика, демографија и млади, поднесена од Левица. Собранието констатира дека наводите во интерпелацијата се основани. На седницата не присуствуваа пратениците од СДСМ, а против гласаа и од ВЛЕН.

Share on Facebook

Tweet

Follow us

Save