INFOMAX.MK

Руските медиуми јавија за голем напад на украински беспилотни летала врз регионот Тамбов, кој, според достапните информации, бил насочен кон фабрика за барут во селото Кузмино-Гат.

Според податоците од руските телеграмски канали „Меш“ и „Шот“, објавени од „Украинска правда“, локалните жители забележале голем број беспилотни летала. Според украинскиот медиум жителите ја слушнале и руската воздушна одбрана и виделе блесоци на небото.

Мета на украинските дронови фабрика за барут и резервоари за нафта

Покрај овој напад, руските медиуми објавија и напад на нафтен резервоар во областа Воронеж. Локалните власти го потврдија инцидентот, а пожарот што избувна при нападите се уште трае. „Киев пост“ на социјалната мрежа „Х објави дека украинските беспилотни летала погодиле фабрика за барут во близина на Тамбов, која е клучен снабдувач со експлозиви за воената машинерија на Путин. Во соопштението се појавија и снимки од нападот, додека беше наведено дека во текот на претходната ноќ биле забележани експлозии во четири различни региони на Русија.

Сепак, некои проукраински извори тврдат дека беспилотните летала, кои наводно целеле на воена база во регионот Тамбов, биле електронски попречени и наместо тоа удриле во блиската дестилерија за алкохол. Киев се уште официјално не ги коментирал овие напади.

Another morning, another fire in Russia.

Ukrainian drones hit a gunpowder plant near Tambov — key supplier of explosives for Putin’s war machine.

Blasts rocked at least 4 Russian regions overnight. The oil refinery in Voronezh continues to burn. pic.twitter.com/DIS4fJ38zl

— KyivPost (@KyivPost) January 16, 2025