Водици ќе се слави и во Долно Лисиче, светиот крст за прв пат ќе биде положен во езерото Јасика

Оваа година за првпат во Долно Лисиче започнува една убава традиција, односно положување на светиот крст во водите на езерото Јасика. По тој повод организаторите на настанот ги покануваат верниците во Бога да присуствуваат на овој настан за кој се верува дека ќе прерасне во традиција.

– Во заедничка организација на Црковниот одбор при Храмот Света Троица и ресторанот Рибник Езеро Јасика ќе започнеме една традиција која се одржува секоја година. Сите заинтересирани кои сакаат да скокаат по крстот да се пријават кај секретарот Бобан Блажевски 070710378 или во самиот Црковен Храм Св.Троица со лични податоци и телефонски број како и доставена медицинска белешка за здравствената состојба на кандидатот. На сите кандидати ќе бидат доделени маици со натпис. За тој што ќе го фати крстот ќе биде доделена рачно изработена икона и уште една вредна награда, велат организаторите.

После фаќањето на светиот крст сите присутни ќе бидат почастени со топло чајче и греана ракија, а доколку некои од верниците во Долно Лисиче сака да донесе некое мезе или сукано истото ќе биде добредојдено. Да започнеме една традиција… – додаваат организаторите.

Одбележувањето започнува претпладне, околу 11 часот.

Share on Facebook

Tweet

Follow us

Save