INFOMAX.MK

Еден од секои пет Украинци би се преселил во странство доколку се укинат ограничувањата за патување во земјата, според истражувањето на две независни тинк-тенкови, објави Kyiv Independent.

Украина е во војна откако Русија изврши инвазија во февруари 2022 година. Додека некои копнени граници се сè уште отворени, воздушниот сообраќај е суспендиран.

На мажите на возраст меѓу 18 и 60 години им е забрането да ја напуштаат државата поради отслужување воен рок.

Доколку границите повторно се отворат за сите граѓани, 70 отсто од испитаниците рекле дека нема трајно да се преселат во друга земја, додека 21 отсто рекле дека се подготвени да го сторат тоа.

Фондацијата за демократски иницијативи Илко Кучерив и Центарот Разумков, вчера открија дека мажите и младите во Украина се најзаинтересирани за преселување – 25% и 33% од нив.

Наспроти нив, само 9% од испитаниците постари од 60 години изјавиле дека би сакале да заминат во странство.

На прашањето што би ги мотивирало да ја напуштат земјата, 30,5% го навеле недостатокот на можности за напредување, 29% заканата по животот поради воени конфликти и 29% недоволната социјална поддршка од државата. Дваесет и шест проценти од испитаниците рекле дека сакаат да се обединат со своето семејство.

Според податоците на ЕУ, 4,2 милиони Украинци имале статус на привремена заштита во Унијата од 31 август 2024 година.

Шеесет проценти од вкупниот број украински бегалци биле само во три земји – Германија (1,1 милион), Полска (975.000) и Чешка (376.000).

Анкетата на две украински тинк-тенкови беше спроведена помеѓу 29 ноември и 14 декември минатата година, опфатени 1.518 испитаници во Украина.