Денеска се празнува Преподобен Јоаникиј Ракотински

Роден во Охрид, на Божик 1847 година. Монашки потстриг прими во 1873 година, во манастирот „Свети вмч. Пантелејмон“, Нерези. Потоа премина во манастирот Горен „Свети Илија“, село Бањани, а во 1874 година во братството на Марковиот манастир, за најпосле да се насели во селото Ракотинци и таму да го обнови манастирот „Свети Илија“. Во 1896 година основа келијно училиште за деца. Со своите молитви и со лекови од природата го лечеше Божјиот народ. Живееше во исклучително тешко време, за време на турското владеење, Балканските и Првата светска војна, со тешки искушенија и притисоци, и сенародно страдание. Неговиот подвижнички живот, беше исполнет со страданијата што ги трпеше од турските власти и од локални турски и арнаутски одметници, кои во неколку наврати сакаа да го убијат. Во 1913 година беше произведен во игумен, а во 1935 година во архимандрит. Се упокои на 24 јануари 1940 година. По неговато преставување пред Господа, во неколку наврати го откриваше своето нераспаднато тело од кое се ширеше пријатен мирис.

Share on Facebook

Tweet

Follow us

Save