Хамас го користи примирјето да регрутира нови борци

Исламистичката организација продолжи со изградба на ракети во подземни тунели и се финансира преку продажба на хуманитарна помош; и покрај големите загуби од 7 октомври 2023 година, терористичката организација останува обемна по број, оружје и посветеност на борбите.

Како што трае прекинот на огнот во Газа, борците на Хамас, кои вообичаено се облекуваат како цивили за време на борбите, ја искористија можноста да ги облечат своите униформи и да парадираат низ улиците демонстрирајќи сила.

Сликите споделени на интернет на кои Хамас мавта со оружје на камиони и опкружен со цивилни поддржувачи, јасно покажуваат дека и покрај големите загуби од 7 октомври 2023 година и елиминацијата на лидерите на Хамас, терористичката организација останува обемна по број, оружје, и посветеност на борбата. Засега, сепак, тие може да се фокусираат на обнова на нивната способност за борба додека се обидуваат да продолжат да ја контролираат Газа.

Додека првата фаза од договорот за прекин на огнот е сè уште во раните денови, многу експерти ја доведуваат во прашање одржливоста на ситуацијата, со оглед на можноста Хамас да остане вкоренет во Газа и се сомневаат во можноста за обнова на областа.
Според Јони Бен-Менахем, висок аналитичар на Блискиот исток за Центарот за безбедност и надворешни работи во Ерусалим, „Израел разбил 24 воени баталјони во Појасот Газа, убивајќи меѓу 20.000 и 25.000 оперативци на военото крило на Хамас“ во текот на минатата година.

Сепак, додаде тој, во текот на последните три месеци, додека Израел се бореше и со Хезболах на својата северна граница, армијата „го намали притисокот врз Хамас и префрли многу војници во јужен Либан. Оваа промена му даде можност на Хамас да се обнови, а само минатиот месец Хамас регрутирал 4.000 нови терористи за да ги надополни своите редови користејќи пари генерирани од продажба на хуманитарна помош што влегува во Газа“, според Бен-Менахем, ојави „Ynet“.

Тој предупреди дека „Хамас се обновува и можно е тие да се обидат да ја задржат контролата врз Газа. Со прекинот на огнот, Хамас може да прави што сака, и воено преживеа“, вели Бен-Менахем.
Израелските безбедносни проценки сугерираат дека Хамас сè уште има околу 25.000 вооружени терористи во Газа, а зголемувањето на хуманитарната помош што влегува во Газа е тоа што им го овозможува тоа.
„Од вчера, 600 камиони со помош влегуваат во Газа дневно – значителен пораст. Хамас ќе ја искористи оваа помош така што ќе ја продаде и ќе ги искористи парите за да регрутира повеќе терористи“, додаде Бен-Менахем.

Професорот Ејал Зисер, заменик-ректор на Универзитетот во Тел Авив и експерт за блискоисточни студии и безбедност, вели дека ситуацијата е таква затоа што владата на израелскиот премиер Бенјамин Нетанјаху не испланирала стратегија за „ден потоа“ за Газа.

Share on Facebook

Tweet

Follow us

Save