Унгарија со победата над Катар ги згасна надежите на Македонија за четвртфинале

Унгарската ракометна репрезентација во последното коло од втората фаза на СП во Хрватска ги совлада избраниците на Веселин Вујовиќ, ракометарите на Катар со 29:23 (12:12) и заедно со францускиот тим обезбедија пласман во четвртфиналето.

Овој епилог ги растажи македонските репрезентативци кои сега треба да играат против Франција во натпревар без резултатски императив, а императив нема ниту Франција која досега не ја почувствува горчината на поразот во натпреварувањето.

Пласман во четвртфиналето веќе обезбедија селекциите на Данска, Германија, Франција, Унгарија, Португалија и Бразил, а единствената дилема е во групата 4 каде за двете места во нокаут фазата ќе се борат Хрватска, Египет и Исланд.

Сите три екипи имаат по шест бода. Исланд игра против Аргентина, Египет против Зеленортските Острови, а Хрватска против Словенија. Доколку сите три селекции победат, Хрватска и Египет би се пласирале во четвртфиналето, додека Исланд би останал со „кратки ракави“.

Share on Facebook

Tweet

Follow us

Save