Голем број на судии од Нови Сад ги поддржаа студентите што протестираат!

Во Палата на правдата во Нови Сад денеска почна потпишувањето на поддршка за студентите кои со недели ги блокираат факултетите и бараат исполнување на барањата во врска со казнувањето на одговорните за падот на настрешницата на Железничката станица во Нови Сад.

Како што дознава „Разглас вести“, петицијата за неколку часа ја потпишале 38 судии од Основниот, Вишиот, Апелацискиот и Стопанскиот суд во Нови Сад. Освен судии, потписи за поддршка на студентите почнаа да собираат и судски советници и судски помошници на Апелациониот суд.

„Ние, долупотпишаните судии во Нови Сад, ги поддржуваме студентите во нивните оправдани напори и аспирации за почитување и спроведување на Уставот и законите на Република Србија. Владеењето на правото, независноста на судството, еднаквоста на правото за сите и сите пред законот, почитувањето и заштитата на основните човекови права и слободи се темелите на едно демократско општество и функционирање на правната држава. Апелираме да се воздржиме од каква било форма на насилство кон учесниците на мирните протести, а особено кон учениците и студентите, кои се иднината на нашето општество“, стои во текстот на поддршка за студентите.

Палатата на правдата во Нови Сад утрово е евакуирана поради дојава дека била поставена бомба, пренесува Данас.

Share on Facebook

Tweet

Follow us

Save