Маж кој Трамп го помилува за упадот во Капитол уби заменик шериф

Метју Хатл од американската сојузна држава Индијана, кој беше помилуван од американскиот претседател Доналд Трамп во врска со немирите во Капитол на 6 јануари 2021 година, уби заменик на шериф кој го запрел, соопшти полицијата.

Во соопштението се вели дека Хатл (42) од Хобарт го убил во неделата заменик на шерифот на округот Џаспер.

Полицијата во Индијана го истражува убиството, пренесе АП.

Заменикот на шерифот се обидел да го уапси Хатл кога дошло до расправија, по што тој пукал и го убил.

Истрагата открила и дека осомничениот поседувал огнено оружје за време на застојот на сообраќајот, информираат од полицијата.

Во 2023 година, Хатл беше осуден на шест месеци затвор откако се изјасни за виновен за влегувањето во Капитол.

Поддржувачите на Трамп, кои учествуваа во нападот на Капитол на 6 јануари 2021 година, за да го спречат Конгресот да ја потврди победата на Џозеф Бајден на претседателските избори во 2020 година, почнаа да излегуваат од затвор на 21 јануари, откако новоизбраниот претседател издаде наредба за помилување 1.500 поддржувачи.

Share on Facebook

Tweet

Follow us

Save