Вучиќ помилува 13 уапсени за време на протестите ширум Србија

Претседателот на Република Србија, Александар Вучиќ, донесе 13 одлуки за помилување, соопшти Претседателството.

Меѓу нив има шест ученици: Д.Б од Нови Сад, М.К од Пожега, Р.С. Помилуван е декан – Н.Ј од Ниш и доцент на факултет Р.Ј од Нови Сад.

Исто така, како што се наведува во соопштението, помилувани се четворица директори на училишта: Б.М.од Шабац, М.Е.од Богатиќ, М.И.од Шабац, С.М.Ј.од Шабац, како и еден помошен работник во училиште.

Решенија за помилување се доставени до Министерството за правда за спроведување на понатамошни постапки, се наведува.

Претходно, претседателот на Србија, зборувајќи за барањата на студентите, вклучително и отфрлање на обвиненијата против уапсените и приведените на протестите, Вучиќ рече дека е подготвен да потпише помилување.

„Тринаесет студенти и професори се гонети и за сите 13 е предвидено да се донесе одлука за помилување. Никогаш не донесов одлука за помилување, секогаш е ризично, не можете да ја земете правдата во ваши раце, ова ја отвора Пандорината кутија. Чекавме момент обвинителството да отфрли дел од кривичната пријава, постои основано сомнение дека сториле кривични дела. Ако нема друго решение, согласно законот, без разлика што, поради принципот, разбирам колку е важно, ќе бидам подготвен да потпишам помилувањата од кривично гонење за тие што сакаат, тоа ќе го направам најдоцна во среда.“, изјави претходно Вучиќ.

Претседателот на државата не може да помилува некој кој се уште не е приведен, ниту обвинет, а камоли осуден, изјави во емисијата „Иза вести“ судијката на Првиот основен суд Татјана Безмаревиќ Јањиќ.

„Јас лично мислам дека претседателот на државата не треба да зборува за тоа. Дека претседателот на државата не може да помилува некој кој се уште не е приведен, ниту обвинет, а камоли осуден. Сметам и дека тој не е тој што треба да зборува за тоа што ќе се прави, бидејќи ваквите говори, не само на претседателот на државата, туку и на други неспособни личности, создаваат недоверба во судот кај народот. Ако го направиме тоа, тогаш сме го послушале претседателот. Ако не, тогаш ние сме непослушни“, изјави таа.

Share on Facebook

Tweet

Follow us

Save