20 годишниот Васил имал кривична за сообраќајка во 2022, платил оштета од 18 илјади денари

Јавното обвинителсто преку соопштение информира дека обвинетиот 20-годишен Васил што ја усмрти 22-годишната Фросина на пешачки премин на „Партизанска“ во Скопје имал против него кривична пријава за сообраќајна несреќа која се случила на 04.11.2022 година, по што едно лице се здобило со повреди.

„Против истото лице до обвинителството е поднесена само уште една пријава на 01.02.2023 година за кривично дело од член 297 за сообраќајна незгода случена на 04.11.2022 година во која едно лице се здобило со полесни повреди. Јавниот обвинител спровел постапка и со изјавена согласност на оштетената донел Решение со кое не се презема кривично гонење согласно чл.43 од ЗКП, а осомничениот се согласил да постапи по напатствијата на јавниот обвинител и да уплати паричен износ од 18.000 денари во корист на Буџетот на РСМ. Освен ова МВР повело и прекршочна постапка за возење без возачка дозвола. Други кривични пријави за лицето не се поднесени во јавното обвинителство.“, се вели во соопштението на Обвинителството.

Share on Facebook

Tweet

Follow us

Save