Денеска се очекуваат детали од извештајот на инспекторите кои го чешлаа работењето на маркетите

За денеска најавени се детали од инспекциските контроли кои беа спроведени во големите трговски синџири во земјава.

Граѓаните очекуваат да открие детали за тоа колку се злоупотребувале маржите на храната.

Владата наложи да се чешла дали цените во малопродажба се оправдани или намерно напумпани со цел богатење на грбот на граѓаните.

Надлежните излегоа на терен да извршат проверки по револтот на граѓаните кој се преточи и во бојкот кој се спроведе во петокот и кој ги остави речиси празни касите на маркетите, а беше намалено и пазарењето во помалите продавници и на пазарите.

Според податоците на Управата за јавни приходи, осумте најголеми трговски синџири забележале пад на прометот за 46,59 % во споредба со минатиот петок, а за 46,29 % во однос на четвртокот.

Проценките се дека над 100 илјади купувачи учествувале во бојкотот бидејќи УЈП преброја над 170 илјади помалку фискални сметки.

Share on Facebook

Tweet

Follow us

Save