Туркиш ерлајнс ја најави линијата од Истанбул до Охрид од 27 март

Туркиш ерлајнс на својата мапа на дестинации веќе го постави Охрид како атрактивна дестинација за патување и започна со продажбата на билети. Согласно летниот ред на летање, авиокомпанијата оваа линија започнува да ја оперира од 27 март, со што официјално започнува и воспоставувувањето на директниот лет Истанбул -Охрид.

Охрид и охридското крајбрежје станува нова дестинција за турските туристи и сите останите кои сакаат да ги истражат и да уживаат во убавините на Охрид, токму преку директниот лет Истанбул – Охрид, кој за прв пат се воведува со летниот ред на летање.

Ќе се лета во понеделник, четврток, петок и недела со летала од типот Ербас А321, Боинг 737-800 и Б737-900.

Во описот за градов стои дека е популарна туристичка дестинација на Балканот, македонски бисер и дел од светското културно наследство на УНЕСКО.

– Познат по Охридското Езеро, Охрид поседува и историска текстура која го спојува неговото античко културно наследство со современи елементи, пишува на веб страната на Turkish Airlines.

Гостите од Турција се најбројни меѓу странските туристи во нашата држава.

Share on Facebook

Tweet

Follow us

Save