Шолц се огласи за испраќањето германски војници во Украина

Германскиот канцелар Олаф Шолц изјави дека дискусиите за потенцијално испраќање германски војници во мировните сили во Украина се предвремени и несоодветни.

Како што изјави тој за германскиот весник РНД, прво мора да заврши конфликтот и да има вистински преговори, па дури потоа може да се разговара за безбедносните гаранции за Украина.

„Мислам дека овие дискусии се несоодветни и предвремени бидејќи претпоставуваат дека Украина нема да добие дел од своите територии од Русија“, рече Шолц.

Според еден од мировните планови што ги разгледува американскиот претседател Доналд Трамп, тој би можел да ги покани британските и европските војници да воспостават тампон зона на сегашната линија на фронтот во Украина.

Шолц додаде дека Украина, во секој случај, ќе има армија која нема да може да ја плати само со сопствени финансиски средства, па затоа ќе биде потребна помош од Германија и сите други пријатели на Украина.

Пратеникот на германската Христијанско-демократска унија (ЦДУ) Родерих Кизеветер минатиот месец изјави дека Берлин не треба да ја отфрли можноста за испраќање свои војници во Украина по завршувањето на војната, објави весникот „Швабише цајтунг“.

Тој ја даде изјавата додека Велика Британија и Франција размислуваат да испратат сили за следење на евентуалниот прекин на огнот во Украина.

Share on Facebook

Tweet

Follow us

Save