Денвер го прегази Портланд, Јокиќ броеше до 40

Изминатата вечер во НБА лигата се одиграа девет натпревар, а најубедлив беше Денвер кој пред своите гледачи го декласираше Потланд со 146-117 и така стигна до својата седма победа во низа.

Денвер во овој момент има најдолга низа на победи од сите 30 екипи во НБА лигата и се наоѓа на третото место на Западот со скор од 35 победи и 19 порази.

Најдобар поединец и во овој натпревар беше Никола Јокиќ кој постигна 40 поени, додавајќи седум скокови и осум асистенции што е под неговиот просек во тие категории сезонава. Поради убедливата разлика, Јокиќ на теренот помина и 31 минута и одмараше во последната четвртина.

На одличниот учинок додаде уште и три украдени топки. Сезонава Јокиќ е на просек од 29.6 поени, 12.7 скокови и 10.3 асистенции.

Зад Јокиќ следеше Крис Браун со 26 поени, додека кај Портланд најдобар беше Далано Бантон со 22 поени.

Share on Facebook

Tweet

Follow us

Save