Србин на чело на американската државна банка: Кој е Јован Џон Јовановиќ?

Следен раководител на американската Експорт-импорт банка ќе биде финансиерот Јован Џон Јовановиќ, објави американскиот претседател Доналд Трамп.
Банката, која е основана во 1934 година од претседателот Рузвелт, има задача да го кредитира извозот на американски стоки и услуги.

„Џон ќе го искористи своето долгогодишно искуство во финансии, инвестиции и развој на бизнисот за да ја направи Америка повторно доминантна во енергијата и индустријата“, рече Трамп во официјалното соопштение.
Трамп нагласи дека Јовановиќ има магистерски студии по бизнис на истиот факултет што го посетувал, Вартон на Универзитетот во Пенсилванија, како и диплома по политички науки од Принстон.
„Тој неуморно ќе работи на заштита на резултатите од нашата царинска политика, ќе гарантира правичен третман на нашиот извоз и секогаш ќе ги става американските компании и извозот на нашите енергетски производи на прво место“, додаде Трамп, честитајќи му на Јовановиќ.

Во претходниот мандат на Трамп, Јовановиќ раководеше со државната Development Finance Corporation (DFC), уште еден инструмент на монетарната политика на Вашингтон, пишува RT Balkan.
Бизнисмен со српско потекло, Јовановиќ пораснал во Чикаго. За време на неговата посета на Србија во 2020 година, тој даде интервју за Недељник во кое рече дека неговите деца „ќе се викаат Јовановиќ, а не Џонсон“, ќе зборуваат српски и ќе се гордеат со своите корени.
Јовановиќ е во брак со ТВ водителката Дафне Оз од 2010 година. Нејзиниот татко, д-р Мехмет Оз, неуспешно се кандидираше за Сенатот на САД пред неколку години, а Трамп неодамна го назначи да го надгледува здравствениот систем на државата.

Share on Facebook

Tweet

Follow us

Save