Меси одби да игра во Лигата на шампионите поради -15°C

Интер Мајами би можел да биде без Лионел Меси во првиот натпревар од осминафиналето на КОНКАКАФ Лигата на шампионите.

Фудбалерите на Интер Мајами во првиот натпревар ќе играат на гости кај Спортинг Канзас Сити, в четврток од 2 часот наутро по македонско време.

Како што пренесуваат американските медиуми, големи се шансите Меси да не игра на тој меч, а причината е што температурата во тој град ќе биде -15 степени Целзиусови, а наводно се чувствува како да е -25.

Затоа Меси не сака да биде на теренот, но има минимални шанси да се предомисли.

Исто така, како што објави новинарот кој го води подкастот на Интер Мајами, според негови извори, клубот бара одложување на натпреварот. Натпреварот веќе доби едно одложување и беше поместен за 24 часа.

Share on Facebook

Tweet

Follow us

Save