Бремпт: „Нема да прифатиме уцени од Трамп, ако сака трговска војна ќе ја добие“
ТВ21 во Брисел направи ексклузивно интервју со белгиската политичарка Кетлин ван Бремпт, која е пратеничка во Европскиот парламент.
Со Бремпт разговаравме на различни теми, меѓу кои беше и Доналд Трамп и воведувањето на царините кон земјите од ЕУ.
„Трамп не ги почитува правилата. А, ние имаме многу правила. Ги имаме и Меѓународната трговска организација и меѓународните правила. Благодарение на нив сите знаат како да дејствуваат. А, тој не ги почитува тие правила. Затоа ни е тешко да процениме како ќе се одвива ситуацијата и како да се справиме со неа. Обично кога некој ги занемарува правилата и наметнува тарифи, мораме да преземеме противмерки. За време на првиот мандат на Трамп веднаш презедовме противмерки. Баравме производи кои би му наштетиле како Тексас, Бурбон, и им ставивме големи тарифи. Пак можеме да го направиме истото. Ако сака трговска војна,
ќе ја добие. Ќе преземеме противмерки на истото ниво, преку тарифите“, рече Бремпт.
