Трамп го разреши началникот на здружениот штаб на американската армија

Американскиот претседател Доналд Трамп во петокот го разреши началникот на здружениот штаб на американската армија, генералот на воздухопловните сили Ц.К. Браун и уште пет други адмирали и генерали.
Трамп на социјалната мрежа „Truth social“ објави дека ќе го номинира поранешниот генерал Ден „Разин“ Кејн на функцијата нов началник на Генералштабот на американската армија, што претставува прекин на традицијата бидејќи за првпат на таа позиција ќе биде назначен пензиониран воен командант, пренесува Ројтерс.

Претседателот, исто така, ќе го замени врховниот командант на американската морнарица адмирал Лиза Франчети, првата жена што служела како командант од кој било пол во американската војска.
Трамп ќе го смени и заменик-командантот на американските воздухопловни сили, како и судиите на воените судови на Армијата, морнарицата и воздухопловните сили.
Одлуката на Трамп носи период на неизвесност во Пентагон, бидејќи американското Министерство за одбрана интензивно се подготвува за масовни отпуштања на цивилен персонал, се најавува драстична промена на буџетот и промени на клучните позиции во согласност со новата надворешнополитичка стратегија „Америка прва“, наведува Ројтерс.

Share on Facebook

Tweet

Follow us

Save