Продолжуваат масовните студентски протести ширум Србија!

Продолжуваат протестите на студентите и граѓаните во Србија со барање одговорност за трагедијата во Нови Сад и исполнување на преостанатите барања. Во Вршац заврши протестниот митинг кој траеше повеќе од пет часа. На учениците кои синоќа пристигнаа по три дена пеш од Зрењанин, им се придружија пешаци од Бела Црква, Алибунар и велосипедисти од Панчево. Блокади на раскрсници има во повеќе градови и населени места. Протести има и во Крушевац, Јагодина, Суботица, Белград.

Вечерва во Брус се одржа уште еден собир за поддршка на студентските барања на кој разговараа студентката Ана Митровиќ и професорката Марија Џенадиќ.

По петнаесетминутниот молк за жртвите од падот на настрешницата во Нови Сад, по улиците на Брус започна протестна прошетка по што следеше седница на Градскиот пленум.

На пленумот беа усвоени повеќе одлуки – Во петок да се одржи доброволна акција на саемот, а во сабота на 1 март да се маршира до Ниш, да се одржуваат протестни состаноци секоја недела во 18 часот, како и да се испрати барање до Собранието на општина Брус да се обезбедат средства од буџетот за стипендирање на најдобрите студенти од територијата на Брус.

Градскиот пленум бара што поскоро да се распише конкурс, барем за првата стипендија.

Граѓани на Јагодина, студенти и матуранти се собраа во 17:00 часот на градскиот плоштад и со петнаесетминутно молчење им оддадоа почит на жртвите во Нови Сад. Потоа тргнаа со протестна прошетка, овој пат по друга рута кон населбата Елмос.

Студентите на Факултетот за педагошки науки во Јагодина денешната средба им ја посветија на сите просветни работници во Србија. Во соопштението објавено по тој повод, се вели дека образовниот систем е столб на секое општество и дека колапсот на тој систем ја урнал и државата. Свесни се, велат, за секојдневните притисоци што ги трпат професорите, но потенцираат дека идните наставници од Педагошкиот факултет во Јагодина им даваат целосна поддршка.

Учениците веќе најавија дека во среда од Јагодина пеш ќе тргнат кон Ниш, а ќе им се придружат и голем број матуранти од Јагодина.

Share on Facebook

Tweet

Follow us

Save