Почина Борис Спаски

На 89-годишна возраст почина Борис Спаски, еден од најдобрите шахисти на сите времиња. Десеттиот светски шампион во шах е роден во Ленинград, денешен Санкт Петербург, на 30 јануари 1937 година, а израснал во тешки услови поради Втората светска војна.

Спаски се проби како шаховски вундеркинд, станувајќи најмладиот советски играч кој ја освоил титулата меѓународен мајстор на 16-годишна возраст. Тој го достигна врвот на шаховска извонредност со освојувањето на Светското првенство во 1969 година, победувајќи го Тигран Петросјан и ја задржа титулата до 1972 година.

Спаски засекогаш ќе остане запаметен како учесник во историскиот меч на Светското првенство во 1972 година против Боби Фишер, наречен Меч на векот и одржан во Рејкјавик, Исланд. Овој натпревар, одржан во екот на Студената војна, ги надмина границите на шахот и стана културен феномен кој го привлече глобалното внимание.
„Непроценлив придонес за Русија“

По губењето на титулата, Спаски продолжи да игра на високо ниво. Во 1976 година емигрирал во Франција, каде продолжил да учествува на турнири. Во септември 2010 година, тој доживеа мозочен удар и беше хоспитализиран во Москва. После тоа, тој бил вратен во Франција, каде, според неговите зборови, бил изолиран и лошо третиран.

Во август 2012 година, тој се врати во Русија под контроверзни околности. Неговата сопруга и син тврдеа дека бил киднапиран, но Спаски тврди дека доброволно се вратил бидејќи се чувствувал изолиран во Париз.

Share on Facebook

Tweet

Follow us

Save