Обвинителството во телефонот на Дранго со вештачење ја бара сликата со убиената мечка- чека податоци од МВР за локацијата на сликата

Сашо Дранго од вчера не е заменик директор во Македонија Пат, а обвинителството објави до каде е истрагата отворена откако јавноста ја виде фотографијата на која тој со пушка „позира“ покрај мртва мечка. Телефонот е пратен на вештачење, а од МВР се одговорени дел од насоките на обвинителството, додека дел од барањата се уште не се одговорени. Обвинителството меѓу другото бара полицијата со геолокација да утврди каде точно е направена фотографијата на која се гледа убиена мечка која како вид е заштитена со закон.

-Во рамките на постапката во Основното јавно обвинителство Битола се преземаат дејствија во предистражна постапка. Извршен е распит на пријавеното лице, а во тек е вештачење на неговиот мобилен телефон. Надлежниот јавен обвинител издаде и повеќе наредби до Министерството за внатрешни работи од кои по дел се уште се постапува. Кај пријавениот по барање на јавен обвинител и врз основа на судска наредба беше извршен и претрес. По завршување на сите дејствија ќе биде донесена јавнообвинителска одлука, соопштија од обвинителството.

Share on Facebook

Tweet

Follow us

Save