(Видео) Мисајловски се пишмани: Војници во Украина нема да има ама македонски мировни трупи можеби aко се побара од нас

Министерот за одбрана, Владо Мисајловски се пишмани по однос на прашањето дали во мисија во Украина може да учествува македонската армија.

Македонскиот министер за одбрана, Владо Мисајловски, во интервју за Гласот на Америка истакна дека не гледа потреба од присуство на македонски војници на украинска територија. Според него, приоритет треба да биде постигнување мировно решение кое ќе гарантира долгорочна стабилност.

„Најважно е да се воспостави мир и да се дојде до взаемно решение кое ќе гарантира долгорочна стабилност. Паралелно со тоа, можеме да разговараме за натамошните форми на помош,“ изјави Мисајловски пред неколку дена.

Денес министерот го промени ставот па така не исклучува испраќање на македонски мировници во мисија во Украина по завршување на конфликтот.

-Нема да има македонски војници на украинско тло. Но, дали по завршувањето на војната и потребата за било каква помош – прво треба да го видиме како побарување. Различни земји имаат различно размислување. Никој досега не побарал од нас да има македонски војници, рече Мисајловски одговарајќи на новинарски прашања, запрашан дали е побарано од земјава да се испратат мировници кои ќе бидат испратени во евентуалната тампон-зона во Украина по извесно решение за прекин на огнот.
,

Share on Facebook

Tweet

Follow us

Save