ОН загрижени пред утрешниот протест во Белград, повикаа на смиреност

Канцеларијата за човекови права при Обединетите нации (ОН) повика на смиреност пред протестот во Белград најавен за утре и апелираше до српските власти да обезбедат протестот да се одржи без непотребно мешање.

Во услови на зголемени тензии во Србија и пред утрешниот масовен протест предводен од студентите во Белград, повикуваме на смиреност и на мирни демонстрации.

-Апелираме до властите да дозволат протестите да се одржат без непотребно мешање, рече Џереми Лоренс, портпарол на Канцеларијата за човекови права на ОН во Женева.

Канцеларијата за човекови права на ОН ја потсетува Србија дека, во согласност со меѓународното право, има обврска да ги штити човековите права и да го почитува целосното остварување на правата на слободата на мирно собирање и слободата на изразување.

Исто така, „повикуваме на заштита на бранителите на човековите права, новинарите и членовите на граѓанското општество и ги потсетуваме властите дека мора да им се дозволи слободно и безбедно да ја извршуваат својата работа“, се додава во соопштението.

Share on Facebook

Tweet

Follow us

Save