САД го поздравуваат мировниот договор меѓу Ерменија и Азербејџан

САД го поздравија успешниот крај на преговорите меѓу Ерменија и Азербејџан за склучување на историски мировен договор, се вели во изјавата на државниот секретар Марко Рубио, објавена денеска од Стејт департментот.

-Ова е можност за двете земји да свртат нова страница по деценискиот конфликт а во согласност со визијата на претседателот Трамп за помирен свет, се вели во изјавата на Рубио. „Време е да се преземат обврски за постигнување мир, да се потпише и ратификува договорот и да се започне нова ера на просперитет за народите од Јужен Кавказ.“

Министерствата за надворешни работи на Ерменија и Азербејџан вчера објавија дека е завршен текстот на мировниот договор. Според изјавата на шефот на азербејџанската дипломатија Џејхун Бајрамов, Ереван ги прифатил предлозите на Баку за последните две претходно неусогласени точки од документот.

Според министерот, следниот чекор треба да бидат направени измени во Уставот на Ерменија, бидејќи во сегашната верзија на Основниот закон на земјата се содржани територијални претензии кон Азербејџан. Во Ереван потврдија подготвеност за консултации за местото и времето на потпишување на договорот.

Мировните преговори меѓу Ерменија и Азербејџан започнаа во 2020 година, по воениот конфликт после кој Баку врати под контролат поголем дел Нагорно Карабах.

Share on Facebook

Tweet

Follow us

Save