Насилници од Гевгелија тепале сограѓани, ги терале да признаат кражба

Тројца жители на Гевгелија, од кои полицијата уапсила еден, се осомничени дека насила внеле двајца сограѓани во автомобил, ги тепале и ги терале да признаат дека украле паричник, соопшти МВР.

На 13.03.2025 во 16:00 часот во Гевгелија, полициски службеници од СВР Струмица – ОВР Гевгелија го лишиле од слобода М.П.(28) од Гевгелија. Тој се сомничи дека истиот ден заедно со П.И.(25) и уште едно лице од градот, со употреба на сила внеле две лица од Гевгелија во возилото, кое го управувал М.П., физички ги нападнале и ги присилувале да признаат дека одзеле паричник од женско лице, по што ги ослободиле“, велат од полицијата.

Во просториите на Полициската станица Гевгелија бил повикан и П.И. со кого бил извршен службен разговор.

За настанот бил запознаен јавен обвинител од Основното јавно обвинителство Гевгелија и по негово целосно документирање ќе биде поднесена соодветна пријава.

Share on Facebook

Tweet

Follow us

Save