БОМБА ОД МЕЏИТИ: ВО ВЛАДАТА Е ПОСТИГНАТ ДОГОВОР ДА НЕ СЕ ПОЧИТУВААТ ПОТЕРНИЦИТЕ НА ИНТЕРПОЛ ЗА ПОРАНЕШНИТЕ ВОЈНИЦИ НА УЧК

Првиот потпретседател на Владата на Македонија, Изет Меџити, изјави дека потерниците на Србија против поранешните војници на ОВК повеќе нема да ги спроведува граничната полиција на Македонија, пренесува Коха.
Според него, политичкиот договор е постигнат во македонската влада.

„Бидејќи Србија е членка на Интерпол, а Косово не е, таа постојано ги ажурира списоците на војници и тоа тогаш претставува проблем. Овој проблем 20 години не го решаваат претходните влади или албанските партии. Сега можам ексклузивно да ви кажам дека имаме политички договор во Владата. Имаме политички договор дека треба да се решава систематски по хрватски, словенечки и европски модели. И тоа ќе се случи многу брзо, само гледаме кој модел да го примениме, а тоа ќе биде системско, законско и трајно решение, војниците слободно да се движат во Македонија, како што се движат во европските земји“, нагласува тој.

Зборувајќи за Законот за јазиците во Македонија, Меџити вели дека албанскиот јазик ќе го добие заслужениот статус на службен јазик. Според него, тоа никогаш нема да биде прекршено.

Share on Facebook

Tweet

Follow us

Save