Павел Христов – тивок херој кој четирипати влегол во огнот за да спасува други

Павел Христов, роден во 2004 година, е едно од имињата што засекогаш ќе остане запаметено како вистински херој од трагедијата во дискотеката „Пулс“ во Кочани. Иако неговото име не беше меѓу првите споменати, ова момче четирипати влегувало во запалениот локал, враќајќи се по своите врсници, за да им помогне да излезат живи.

„Во целиот хаос, не се заштитил себеси. Преовладувала неговата хуманост. Не размислуваше што може да му се случи,“ раскажуваат неговите другари, со глас што трепери од болка и гордост.

Неговата мајка сведочи за несебичноста на Павел и силата на неговиот дух – дух кој одлучил да се бори за другите, дури и кога тоа значело да се жртвува себеси.

Во време на загуба, тага и недоверба, постапките на Павел се светлина што треба да не води. Не барал ништо. Не чекал инструкции. Само реагирал – човечки, храбро, херојски.

Херои ни требаат во оваа држава.
Вечен помен, Павел.

Share on Facebook

Tweet

Follow us

Save