Судот ги пушти во куќен притвор Ратко Димитровски и Николчо Илијев – ОЈО се жали на одлуката!

Поранешните градоначалници на Кочани, Ратко Димитровски и Николчо Илијев одат во куќен притвот, одлучи Основниот суд Кочани кој ја прифати нивната жалба на одлуката за притвор. Од ОЈО соопштија дека е вложена жалба на одлуката до Апелациониот суд во Штип.

– Постапувајќи по поднесени жалби од вкупно 17 осомничени, Основниот суд Кочани ги одби жалбите на 14 лица и ја потврди мерката притвор. За 3 лица мерката ефективен ја замени со куќен притвор. За двајца од нив, поранешни градоначалници на Кочани, ОЈО Кочани вложи жалба пред Апелацискиот суд Штип и побара да опстои мерката ефективен притвор, соопштија од ОЈО.

Не е вложена Жалба од страна на ОЈО за поранешна директорка на ДПИ, која во жалбата изнесе околности и причини поради кои обвинителството е согласно дека мерката куќен притвор е адекватна.

Останатите лица остануваат во ефективен притвор.

Share on Facebook

Tweet

Follow us

Save