Закажано ново рочиште за смртно прегазената Теодора

За денеска во Основниот суд во Тетово е закажано судењето за Теодора Ристовска, која во 2022 година, на 22 години, го загуби животот во сообраќајна несреќа.

Судијата го одложи минатото рочиште и како што информираше, причина е тоа што не е присутен обвинетиот, како и неговиот бранител.

По сообраќајната несреќа во август 2022 година, првото судење почна скоро една година подоцна во јули 2023, а во ноември 2023 по признавање на вина на возачот, бил осуден на три години и шест месеци затвор. Обвинетиот поднесе жалба до Апелацискиот суд во Гостивар. Како резултат на ова, Апелацискиот суд ја намали казната на две години затвор. Тој поднесе барање за преиспитување на пресудата пред Врховниот суд, кој одлучи да ги укине пресудите на Основниот и Апелацискиот суд и предметот го врати на повторно судење. Возачот не одлежал ниту еден ден затвор, иако несреќата се случи пред речиси три години.

Share on Facebook

Tweet

Follow us

Save