1800 денари за народот 78 проценти за фукционерите: Дурмиши ја потпишал владината одлука за минималецот, за да не се блокира исплатата на мартовските плати

Министерот за економија и труд, Бесар Дурмиши ја потпишал владината Одлука за законското усогласување на минималецот, без согласност од синдикатите за да не се предизвикала блокада во исплатата на платите во државата.

-Замислете што ќе се случеше ако не ја потпишев Одлуката. Законски мораше да се знае сумата до 31 март, бидејќи ќе се предизвикаше блокада на сите институции и на работодавачите. Немаше согласност од синдикатите, бидејќи им е истечена репрезентативноста. Постапивме според законот – рече Дурмиши.

Тој порача дека веќе е формирана Комисијата која треба да ги изброи синдикалните членови.

-Кога ќе се определи нивната репрезентативност, веднаш ќе го свикам Економско-социјалниот совет и тогаш сите ќе ги изнесат своите аргументи за минималната плата – додаде Дурмиши.

Според министерот за економија, секој има право да протестира, бидејќи сме демократско општество.

-Еконономско-социјалниот совет е местото каде синдикатите треба да ги кажат своите барања, а не на улица. Ако се договорат поинаку, тогаш ние како Влада сме тука да ги поддржиме – рече Дурмиши, но избегна да одговори на прашањето дали смета дека усогласувањето од 1.800 денари е доволно за достоинствен живот на работниците.

Share on Facebook

Tweet

Follow us

Save