Блумберг: Доларот падна најмногу во последните две и пол години поради царините на Трамп

Воведувањето нови царини од страна на американскиот претседател Доналд Трамп предизвика пад на доларот на најниско ниво во последните две години, пишува Блумберг.
„Доларот падна најмногу во последните две и пол години, бидејќи огромните трговски тарифи на претседателот Доналд Трамп предизвикаа пад на американската валута и ги принудија трговците да се подготват за понатамошни падови“, се вели во написот.

Се забележува дека одлуката на Белата куќа доведе до масовна продажба на американската валута.
„Доларот беше најголемиот губитник поради синоќешните настани“, рече Соња Мартен, раководител на истражување на девизната и монетарната политика во DZ Bank AB во Франкфурт.
Во средата Трамп најави воведување „реципрочни“ царини за увоз од други земји. Основната минимална стапка ќе биде десет проценти, но секоја земја ќе има сопствена тарифа калибрирана да биде половина од она што им наплаќа на компаниите кои увезуваат американски стоки.

Share on Facebook

Tweet

Follow us

Save