Царинската војна го руши доларот: Тој падна на најниско ниво во последниве три години

Овој остар пад на доларот, втора недела по ред, е резултат на неизвесноста околу царините, кои американскиот претседател Доналд Трамп наизменично ги најавува, одложува, па повторно ги зголемува на увозот од Кина, пренесе агенцијата Хина.

На девизниот пазар минатата недела вредноста на доларот во однос на другите валути падна на најниско ниво во последниве три години, како резултат на ескалацијата на царинската војна меѓу САД и Кина и повлекувањето на инвеститорите од американските државни обврзници.

Индексот на доларот, кој ја покажува вредноста на американската валута во однос на шесте најважни светски валути, падна минатата недела за 3 проценти, на 99,78 поени – најниско ниво од пред три години.

Во исто време, курсот на еврото порасна за 3,6 проценти, на 1,1355 долари, што е највисоко ниво од февруари 2022 година. Американската валута ослабе и во однос на јапонскиот јен, за 2,3 проценти, па нејзината вредност падна на 143,50 јени.

Овој остар пад на доларот, втора недела по ред, е резултат на неизвесноста околу царините, кои американскиот претседател Доналд Трамп наизменично ги најавува, одложува, па повторно ги зголемува на увозот од Кина, пренесе агенцијата Хина.

Share on Facebook

Tweet

Follow us

Save