Двајца од кочанската трагедија се во критична состојба, една пациентка била двапати реанимирана

Министерот за здравство, Арбен Таравари информира дека од вкупно 57 пациенти од кочанската трагедија кои се лекуваат во Скопје и странство, само двајца се во критична состојба. Сите други пациенти се екстубирани и некои се на рехабилитација.

-Една пациентка која што двапати беше реанимирана, денеска е на Пластична хирургија и е во многу подобра состојба. Почна да се движи. Добар пример за пациент кој што беше многу тежок, а наскоро ќе продолжи со лекување дома, кажа Таравари на денешната прес-конференција.

Министерот очекувал над 50 пациенти кои што би требало подолгорочно да се третираат. Во Литванија еден пациент ќе остане уште еден месец, со цел негова целосна рехабилитација.

Share on Facebook

Tweet

Follow us

Save