Зеленски: Ова е соработка со САД и под фер услови

Украинскиот претседател Володимир Зеленски е задоволен сегашната верзијата на договорот која според него е многу покорисна од претходната.

„Договорот не вклучува долг и се создава фонд за закрепнување, кој ќе инвестира во Украина и ќе заработува пари тука. Ова е соработка со Америка и под фер услови, кога и украинската држава и САД, кои ни помагаат во одбраната, можат да заработуваат пари во партнерство“ изјави Володимир Зеленски, претседател на Украина.

Двете страни договорот го нарекоа Фонд за реинвестирање на САД и Украина. Клучните точки во спогодбата содржат ослободување од долгот од 350 милијарди долари кој Украина не е обврзана да го врати на САД, а не ја спречува ни украинската држава кон пристапот во Европската Унија.

Дополнително е договорено остварениот профит од експлоатацијата на минерали за првите 10 години да се реинвестира во Украина. Сепак, САД можат да се повлечат од договорот во секое време. Граѓаните на Киев се надеваат дека договорот ќе помогне за побрз крај на војната која трае повеќе од три години.

Share on Facebook

Tweet

Follow us

Save