Ќе се излегува на протест: Пензионерите бараат или да продолжи линеарното покачување на пензиите или нема да гласаат на избори

Да продолжи линеарното покачување на пензиите – побараа пензионерите од Штип и Свети Николе. Децидни дека ако се промени, односно не се покачуваат пензиите линеарно тие нема да излезат на гласање, а ќе се организираат и нови протести низ дражавата. Освен ова пензионерите имаат и низа други барања.

„Нашите барања се законот кој го имаме предложено да се усвои, сите претседатели да се променат, да се воведат картички за секој пензионер, како и линеарно покачување на пензиите.“ – вели Митев.

Бараат и средба со премиерот Мицкоски со цел да се направи контрола во здружението на пензионери, но на дневен ред да се стави и точката со покачувањето односно усогласување на пензиите.

„Јавно бараме исклучиво премиерот да се заложи да ја прими делегацијата на пензионерите. Средбата е бидејќи се врши проневера во здружението на пензионерите.“ – вели Станојков.

Пензионерите изминатиот период протестираа со цел да добијат линеарно покачување на пензиите од 5000 денари. Во март годинава го добија целосното линеарно покачување. Бараат и понатаму усогласувањата на пензиите кои се вршат двапати годишно, во март и во септември да бидат линеарни, а не процентуални.

Share on Facebook

Tweet

Follow us

Save