Папата со поддршка за новинарите: Вие ја браните и кажувате вистината!

За време на неговата прва аудиенција со претставници на медиумите, папата Лав XIV повика на ослободување на новинарите затворени „затоа што ја бараат и ја кажуваат вистината“, изразувајќи ја „солидарноста на Црквата“ со нив.

„Црквата во овие сведоци – мислам на оние кои ја раскажуваат приказната за војната, дури и по ризик на своите животи – ја препознава храброста на оние кои го бранат достоинството, правдата и правото на народите да бидат информирани“, рече тој, цитиран од АФП.

Папата изрази мислење дека „само информираните луѓе можат да донесуваат слободни одлуки“. Поглаварот на Католичката црква нагласи дека „страдањето на овие новинари кои се во затвор апелира до совеста на народите и меѓународната заедница, повикувајќи нè сите да го браниме драгоценото добро што е слободата на изразување и на печатот“.

„Вие сте на првата линија за да раскажувате за конфликтите и надежите за мир, за случаите на неправда и сиромаштија, како и за тивката работа на многумина за подобар свет. Затоа ве повикувам со свест и храброст да го изберете патот на мирна комуникација“, Папата кој веќе ги повика светските лидери на мир на 11 мај, за време на неговата прва неделна молитва од балконот на базиликата „Свети Петар“.

Истакнувајќи ги „предизвиците“ што мора да ги „совладаме и да ги кажеме“ во „тешки времиња“, тој повика „никогаш да не подлегнуваме на просечноста“. Духовниот водач на 1,4 милијарди католици, исто така, изрази мислење дека „еден од најважните предизвици е да се промовира комуникација способна да нè изведе од „Вавилонската кула“ во која понекогаш се наоѓаме“. Тој го истакна предизвикот на „вештачката интелигенција“, тема што веќе ја покрена на 10 мај пред кардиналите и која, според него, бара „одговорност и разумност“. „Бучна, агресивна комуникација не е неопходна“, додаде тој, повикувајќи да се даде приоритет „наместо комуникација способна за слушање, за собирање на гласот на слабите кои немаат глас“.

Share on Facebook

Tweet

Follow us

Save