INFOMAX.MK

Италијанските карабинери објавија информации за херојскиот потфат на еден од членовите на оваа единица кога не бил на должност, а тој доби пофалби и од премиерката на Италија, Џорџија Мелони.

Имено, карабинерите објавија фотографија на својата официјална веб-страница на која се гледа мост и лице кое било на пат да изврши самоубиство.

Во тој момент, карабинер во цивилна облека возел автомобил низ ова подрачје и решил да реагира.

„Зад оградата имаше жена која беше подготвена да скокне. Карабинерот ѝ се приближи и храбро се искачи на оградата. Разговараше со неа, по што таа го прегрна. Прегратка што има вкус на човечност и чувство на должност надвор од униформата ѝ го спаси животот“, напишаа карабинерите.

Многу граѓани реагираа многу брзо на оваа објава, како и премиерката на Италија, Џорџија Мелони, која ја сподели фотографијата на социјалните мрежи со кратката порака „Херој“.

Libero dal servizio, un Carabiniere della Stazione di Albino (BG) nota una donna che sta per saltare nel vuoto. Si avvicina e, mentre le parla con cautela, con coraggio scavalca la recinzione. La cinge in un abbraccio, la blocca e le salva la vita#Carabinieri #PossiamoAiutarvi pic.twitter.com/Y3EM05ljy5
— Arma dei Carabinieri (@_Carabinieri_) May 13, 2025