Зеленски нареди да се формира постојана проширена национална преговарачка група за крај на војната
Претседателот на Украина, Володимир Зеленски нареди да се формира постојана проширена национална преговарачка група која ќе работи за завршување на војната и воспоставување вистински и траен мир, објави Укринформ.
Зеленски на Фејсбук објави дека одржал состанок посветен на дипломатските напори за завршување на војната и воспоставување мир.
Министерот за одбрана Рустем Умеров информираше за работата на украинската делегација и преговарачкиот процес во Турција. Според Зеленски, „средбите на 15 и 16 мај му ја покажаа на светот нашата посветеност на унапредување на мирот и во исто време, неопходноста да се изврши притисок врз Русија за да се запре војната“.
Тој нагласи дека најзначајниот исход од состанокот бил договорот за размена на затвореници во формат 1.000 за 1.000.
„Нашиот тим моментално работи на деталите за размената. Благодарен сум на сите што придонесоа за овие напори“, истакна Зеленски.
ПОВРЗАНИ ВЕСТИ
Путин и Ердоган го осудија нападот на…
Рускиот претседател Владимир Путин и турскиот лидер…
Путин и Трамп разговарале за конфликтот меѓу…
Рускиот претседател Владимир Путин разговарал по телефон…
Лавров разговараше со иранскиот колега: „Израел ја…
Рускиот министер за надворешни работи Сергеј Лавров…
Путин: Русија остро ја осудува израелската агресија…
Рускиот претседател Владимир Путин денес телефонски разговараше…
Црна Гора испраќа војници во Украина!
Црногорскиот парламент усвои одлука за испраќање припадници…