Објавена најновата листа на воената моќ за 2025 година – Еве каде сме ние!

Додека светот сè повеќе зборува за вештачка интелигенција, дипломатија и глобални пазари, една стара константа продолжува силно да ги обликува меѓународните односи – воената моќ, пишува GFP.

Глобалниот индекс на воена моќ за 2025 година повторно ги рангираше најмоќните воени сили во светот и донесе голем број очекувани, но и неколку изненадувачки случувања. Ова е најпознатиот годишен индикатор за конвенционалната воена сила на една земја, кој опфаќа повеќе од 60 фактори – од бројот на војници, до опрема, логистика и индустриски капацитет, до технолошка софистицираност и геополитичка позиција.

Прва во светот е армијата на САД, втора е Русија. Кина е на третото место, а Индија на четвртата позиција. Меѓу првите 10 се и Јужна Кореја, Обединетото Кралство, Франција, Јапонија, Турција и Италија.

За разлика од стереотипното додавање на тенкови и авиони, овој индекс има посеопфатен пристап. Анализирани се воените буџети, бројот на активни и резервни војници, залихите на оружје, домашниот воен производствен капацитет, синџирите на снабдување, енергетските ресурси и инфраструктурата. Нивото на дигитализација и напредна технологија исто така игра важна улога како што се развој на беспилотни летала, сајбер војна и командни системи.

Важно е да се напомене дека нуклеарниот арсенал е намерно изоставен.

Војската на Македонија се најде на 112. место на листата, од 145 земји.

На самото дно се Бутан кој се најде на последното место, а пред нив се Бенин, Централно африканската република, Сомалија, додека на 141. место се најде соседно Косово.

Share on Facebook

Tweet

Follow us

Save