INFOMAX.MK

Претседателот на Србија, Александар Вучиќ, во едно опуштено интервју одговори на низа интересни, па дури и хумористични прашања, без цензура и со насмевка на лицето.

Еден од моментите што привлече внимание беше неговото откритие дека добил куче на подарок од покојниот српски патријарх Иринеј. Интересно, Вучиќ откри и дека тој лично му подарил прекрасно куче на рускиот претседател Владимир Путин.

– Добив куче од патријархот Иринеј, а на претседателот Путин му подарив прекрасно куче. Колку што слушнав, го чуваат на убаво место и многу сум среќен поради тоа – рече Вучиќ.

Во разговорот, претседателот одговори и на неколку поп-културни прашања кои ги интересираат младите. На прашањето кого повеќе го преферира – Роналдо или Меси – Вучиќ кратко и јасно рече:

– Меси.

Потоа следуваше уште едно прашање, овој пат со кулинарска нота: мортадела или паризер?

– Едвај ја препознавам разликата. Го сакам сето тоа. Кога бевме деца, ставаме мајонез и магдонос во сендвич – нема ништо поубаво од тоа – одговори Вучиќ низ смеа.

Имаше и шеговити моменти, како кога некој го праша: „Ацо, ќе ти дадам 500 евра да ми ја продадеш ‘Шкодата’!“

– Шкодата вреди повеќе. 2006 година е, ама сè уште одлично служи. Зошто би ја продавал? – возврати тој.

Еден од следните прашања се однесуваше на видеата што ги објавува на социјалните мрежи, односно дали самиот ги уредува.

– Не, не сум способен за такво нешто, и не се фалам со тоа. Нека уредува некој што знае – искрено призна претседателот.

Претседателот Вучиќ уште еднаш покажа дека, и покрај сериозноста на функцијата што ја извршува, знае да се пошегува и да одговори на прашања кои го доближуваат до обичниот човек.

Претходно се обрати на јавноста од кулата во „Белград на вода“, нагласувајќи дека за него најважното прашање е едно: како да продолжи изградбата и развојот на Србија, претворајќи ја визијата во конкретни резултати.

– Никој не може да ни го одземе трудот и резултатите од нашата работа – рече Вучиќ во видео објавено на Инстаграм, стоејќи на висок кат од белградската кула, гордо зборувајќи за тоа што е направено во последните неколку години.

– Драги пријатели, по многу месеци, еве ме повторно во „Белград на вода“, на дваесет и некој кат. Гордо можам да кажам – заедно направивме огромни нешта. Покажавме дека за неколку години може не само да се смени лицето на еден град, туку и на целата земја – порача претседателот.

Тој посочи дека во моментов се гради и четвртиот мост во Белград, и тоа со директна поддршка на државата.

– Ова што гледате денес беше најгрдото место во Белград пред неколку години. Денес има величествени булевари, модерна архитектура, и илјадници луѓе секојдневно шетаат и уживаат во животот овде – рече Вучиќ, потсетувајќи на трансформацијата од старата зграда на Геозавод до реновираниот хотел Бристол.

Претседателот посебно ја нагласи важноста на визијата и упорноста.

– Кога имате идеја, енергија и срце за да се борите за тоа во што верувате, никој не може да ви застане на патот. Затоа нема да одговарам на бесмислени прашања и напади – јас ќе се борам за иднината на Србија.

На крајот од обраќањето, Вучиќ упати порака до граѓаните:

– Придружете ми се. Заедно можеме да направиме многу повеќе. Србија заслужува да напредува, а ние сите треба да бидеме горди на нашата работа – како што јас сум горд на сè што постигнавме. Закани можат да дојдат, но никој не може да ни го одземе она што сме го изградиле со своите раце.