INFOMAX.MK

Мостот на влез во Делчево, кој е во „реконструкција“ повеќе од година дена, беше специјално отворен за Мицкоски и Тошковски да не возат по кал и дупки, па денеска е повторно затворен, реагираат од локалниот огранок на Левица во Делчево.

– Како што информиравме минатата седмица дека мостот кој беше отворен за посетата на Премиерот Мицкоски и министрите во с.Разловци, но и посетата на министерот Тошковски, дојде ред конечно мостот за обичниот граѓанин повторно да биде затворен за сообраќај?!

Дали власта со овие постапки веќе ги поделува граѓаните од прв и втор ред!

Дали некој од претходната власт на СДС (кои ја започнаа реконструкцијата) но и од сегашната на ДПМНЕ мисли на граѓаните од крајниот исток и како тие патуваат по патиштата кои повеќе децении се раскопани, дотраени и небезбедни за сообраќај!? – велат од Левица.

Претходно Левица Делчево објави дека мостот е специјално отворен за Мицкоски и Тошковски.

– Мостот на меѓународниот пат Р.Македонија-Р.Бугарија кој е во реконструкција повеќе од година дена што ја “започна” Сдс а не ја “продолжи” реконструкцијата ниту Дпмне, магично е отворен за сообраќај ден пред доаѓањето на Премиерот Мицкоски и неговите министри во с.Разловци!

Обичните “смртници” се осудени овој дел од патот да го поминуваат по импровизиран исклучок со дупки и кал додека премиерот поминува по мостот кој е “небезбеден” за обичниот граѓанин!?

Го прашуваме премиерот дали се чуствува безбеден да поминува по мостови кои се реконструираат повеќе од една година но и кога го поминува патот с.Истибања- М.Каменица каде што големите одрони уште стојат на патот повеќе од 8 години!?!

Исто така го прашуваме пратеникот Ковачки, кој е родум од Делчево и редовно патува по истиот пат, дали барем еднаш го отворил прашањето како патуваат обичните граѓани од крајниот исток и дали воопшто се сигурни по овој пат, или пак тие се само за гласање на изборите ?!? – објавија тогаш од Левица.