Струмичките полуматуранти направиле хаос – Костадинов: Плоштадот да биде исчистен веднаш!

Полуматурантите во Струмица направиле хаос на струмичкиот плоштад, објави градоначалникот на Струмица, Костадин Костадинов.

– Наредба: Плоштадот да биде исчистен веднаш!

Полуматурата не е повод за хаос, туку момент на покажување зрелост и почит кон државата и заедницата.

Она што денес се случи на градскиот плоштад – е неприфатливо.

Јасно кажувам:

Во рок од едно деноноќие, директорите на основните училишта, заедно со наставниците и учениците, се задолжуваат да го исчистат отпадот кој самите го оставиле зад себе.

Ова не е молба. Ова е наредба.

Кој не постапи – ќе сноси последици согласно надлежностите.

Плоштадот не припаѓа на никого поединечно – тој е симбол на нашиот град. Ќе се почитува, или ќе се одговара.

Ова е првиот тест за зрела генерација – или ќе го положат, или ќе учат поинаку.

Во Струмица владее ред. И така ќе остане. – напиша Костадинов.

Share on Facebook

Tweet

Follow us

Save