Славески ви порача да работите по 2-3 работи ако сакате да преживеете: Не е срамота да се работи дополнителна работа за минимална плата, и јас работев во САД во супермаркет!

Новиот Гувернер на Народната Банка, Трајко Славески во емисијата „Бизнис 21“ на ТВ21 истакна дека се извртело значењето на минималната плата.

Според него, таа не гарантирала дека може да се издржува 4-члено семејство.

„Го извртевме значењето на минималната плата, во светот таа не гарантира дека може да се издржува 4-члено семејство. Јас сум работел за минимална плата во САД, во Бостон, во супермаркет додека студирав. Се знае каков стандард можете да обезбедите со тоа, и тие што земаат минимална плата работат по 2-3 работи. Би порачал во одреден период во животот, тоа не е срамота, како дополнителна работа може да работи за минимална плата, но трудете се никогаш повеќе, според своите квалификации, да не се најдете во ситуација да барате минимална плата“, вели Славески.

Share on Facebook

Tweet

Follow us

Save