Трамп изјави дека гледа „мал напредок“ во напорите за решавање на конфликтот во Украина

Американскиот претседател Доналд Трамп изјави дека гледа „мал напредок“ во напорите за решавање на конфликтот во Украина.

„Русија и Украина постигнуваат мал напредок“, изјави Трамп пред новинарите пред да замине за својот голф клуб во Њу Џерси. Претходно, портпаролката на американскиот Стејт департмент, Тами Брус, изјави дека САД остануваат надежни за дипломатско решение.

„Продолжуваме да се надеваме, да работиме и да ги следиме тековните преговори меѓу двете страни. Како и сите преговори, тие можат да одат во различни насоки“, рече таа на прес-конференција во Вашингтон.

Во меѓувреме, портпаролот на рускиот претседател, Дмитриј Песков, потврди на маргините на Меѓународниот економски форум во Санкт Петербург дека следната недела се очекува нова рунда разговори меѓу Москва и Киев.

Share on Facebook

Tweet

Follow us

Save